✨足本訪問：伍允龍47歲生日🎂 獲千人賀壽🎉風騷許願望脫單 👫🏻親解陪睇林峯個唱長髮女身份👀澄清非新歡劉俊謙入圍金鐘獎爭視帝🏆 唔會諗鍊低吳慷仁｜Viu1 現場實況

劉俊謙、伍允龍、張達倫、梁雍婷等今日喺沙田出席《武替道》首映，今日係伍允龍嘅47歲生日，9月26日亦係阿謙36歲生日，大會特別送上蛋糕，與現場近千fans一齊唱生日歌，場面熱鬧。

伍允龍勁風騷表示好開心咁多人一齊同佢慶祝生日。對於被指有新歡，噚晚帶長髮女子一齊睇林峯演唱會，佢話係認識逾20年嘅教會朋友，今日對方都有同男友一齊嚟睇首映，透露女伴冇嬲，只係擔心影得唔靚。問到脫單係咪今年其中一個生日願望？伍允龍爆笑答：「我每年生日願望都係，哈哈。」咁坦白得唔得架，難怪阿謙都話轉頭要同佢兜番轉，睇下遇唔遇到真命天女。

講返今次呢部致敬80年代武打片，伍允龍表示三大賣點係「劉俊謙劉俊謙劉俊謙」重要事要講3次，其實阿謙今次真係好搏命，除咗同董瑋一齊喺6樓跳落嚟，仲要不停捱打，但佢更擔心係打傷人。阿謙喺台上指希望票房破3千萬，咁係咪每1千萬派一次福利？阿謙工作冇停手，月底生日有冇機會同女朋友蔡思韵一齊慶祝？首度入圍金鐘獎爭視帝，阿謙會唔會視吳慷仁為勁敵？佢話做創作唔會咁諗，「得到肯定已經開心，但唔係賽車手要鍊低你，諗法唔好。」想知更多記得睇足本訪問。

#劉俊謙 #伍允龍 #張達倫 #梁雍婷 #武替道 #武打片 #董瑋 #林峯演唱會 #蔡思韵 #教會朋友 #足本訪問 #現場實況 #Viu1娛樂新聞 #Viu1 #Viu #Viu煲劇平台

記得Subscribe Viu1HK嘅YouTube Channel，Follow埋IG同Facebook page呀👇🏻
___________
►訂閱 Viu1HK YouTube Channel: https://bit.ly/3lYFNLW
►追蹤 Viu1HK Instagram: https://www.instagram.com/viu1hk/
►讚好 Viu1HK Facebook page: https://www.facebook.com/Viu1HK/
►觀看更多精彩內容：https://www.viu.com