【尋找最夢幻電影世界🎥 遇見最美麗電影女角色】
.
電影其中一樣吸引之處，就係可以令人穿梭唔同嘅時空，遇到唔同嘅人物角色，而對《星塵画報——遇見90位香港電影女角色》作者 塵阿力 來說，每次落筆畫畫，就好似走入電影之中，同女主角們交流對話。
.
今次邀得近年備受公眾欣賞嘅香港電影女演員 蔡思韵 Cecilia 粉墨登場，將塵阿力畫畫時嘅一啲感受同幻想，用影像聲音呈現出嚟同大家分享！多謝Ceci在短片中演繹三個經典女角色，盡顯造型上嘅可塑性同埋演技，由蘇麗珍到柳飄飄到再一次演繹嘅葉嵐，對白情感，一顰一笑，都流露唔同嘅韻味同美態。
.
短片由作者搭上西環尾開出嘅電車開始，一路往東開行，回味沿線一間間曾經在此睇過電影嘅戲院，沿途景色變化時代變遷戲院消失，但一齣又一齣嘅經典香港電影就長存心底。作者用十個月時間畫咗四個年代共90位經典女角色，再配上文字製作出《星塵画報》，畫嘅，寫嘅，唔單止係角色人物，亦係一個個電影故事同埋作者或者香港呢個地方種種事物。隨住唔同嘅人生經歷，一齣經典電影一幕經典情節，都總會有唔一樣嘅感受同思緒。
.
《星塵画報》好榮幸被選中成為「香港初創數碼廣告企業 × 出版宣傳支援計劃」入圍作品之一，作者、我哋出版社聯同本地初創數碼廣告公司 Media Studio Hong Kong 合作進行今次影片企劃，好希望參與拍攝嘅人同有睇過嘅你哋，都感受到有趣開心之餘，亦感受一下香港電影嘅魔力。
.
如果大家都鍾意呢本作品，請立即將《星塵画報》拎返屋企啦，你嘅支持對我哋嚟講非常重要！網店傳送門➡️ https://bit.ly/3Pgyb4r
.
#星塵画報 #遇見90位香港電影女角色 #蔡思韵 #塵阿力 #塵阿力映畫 #花樣年華 #喜劇之王 #幻愛 #香港電影 #電影女角色 #非凡出版 #塵色塗繪見證光影流傳